شرح تنصيب ويندوز xp من الـــ أ الى الــ ي

SoF!@N

عضو جديد
10 أغسطس 2009
167
0
0
السلام عليكم

شرح تنسطيب ويندوز xp من الـــ أ الى الــ ي

الويندوز بايظ

عايزة اسطب ويندوز

يييييييييييييه

لسه هشيل وانزل واروح بيه مكتب الصيانه

لا

انا لازم اتعلم اسطب ويندوز

اه

انا هروح واقعد ع ايده ف الخباثه كده واتعلم💘

_________________

ده لسان حال ناس كتير

بعد الويندوز الفيستا مانزل وهما لسه مش بيعرفوا يسطبوا ويندوز:busted_red:

قلنا نكسب فيكم ثواب ونعلمكم

تسطيب ويندوز XP من الـــ أ الى الــ ي

هنبدأ مع بعض ونسمي بالله


بسم الله الرحمن الرحيم

اول خدوة عشان تسطب ويندوز لازم يكون عندك سي دي ويندوز

مع ملاحظة ان الشرح ده للنسخ الاوريجنال

يعني اللي مش متغير فيها او معمولها تعديلات كأمثال ويندوز ستايل وفورتكس وغيرهم

الاختلاف ف النسخ دي بيكون بسيط

بس انت لو عرفت تسطب الاوريجنال اعتقد الباقي هيبقى سهل بالنسبه ليك

______________________________________________

احتياجات تسطيب نسخه ويندوز

1- سي دي ويندوز XP + السيريال نمبر الخاص بالنسخه
(وتقدر تجيبهم من اي حد من اصحابك او تشتريهم من مكتب صيانه )

2- سي دي روم طبعا مش محتاجه ذكاء خالص يعني

__________________________________________________ __

نبدأ بقا

اول خطوة لازم نعملها اننا نخلي السي دي روم

هي الــFirst Boot بتاعنا

يعني ايه؟؟؟؟

يعني نخلي الجهاز اول حاجه يحس بيها وقت مايقوم النظام او السيستم الخاص بجهازك هو السي دي روم

ليه؟؟

عشان يقرا من السي دي بدايه خطوات السيتب للويندوز الجديد

ازاي؟؟؟


بص معايا

اول مابتفتح الجهاز بيكون ده اول حاجه بتجيلك
مع اختلاف انواع الاجهزة طبعا


storm206322805019879975b.jpg



بتدوس حضرتك ع مفتاح
Delete اللي فوق الاسهم
او

Del
اللي جمب الارقام ف يمين الكيبورد

بينقلك للصفحه التاليه


saveexity.jpg


طبعا بتجيلك الصفحه الزرقا بدون المربع الاحمر اللي ف النص ده

بتروح طبعا ع حضرتك ع advanced Bios Features

وفيه بعض انواع من المذر بورد بيختلف فيها الاسم

بس ف الغالب بتبقى حاجه خاصه بكلمه BOOT

هبقى اضيف باقي الاسامي حسب انواع البورد

المهم اننا بعد مابنوصل للمرحله ده

بنختار الاختيار ده وتضغط انتر


وتخش جوه هتلاقي فيرست بوت وسكند بوت وثيرد بوت

بتروح ع الفيرست بوت وتختار السي دي روم

بانك تضغط انتر بيفتحلك مربع فيه اختيارات بتختار الcd وتدوس انتر

وبعدها Esc

هترجع تاني للصفحه بتاعت البدايه

بتختار save @ Exit

وتدوس ييس او حرف Y

والجهاز بيعمل رستارت لوحده

_______________________________________________

كده احنا خلينا النظام اول حاجه يحس بيها ف بدايه التشغيل هي السي دي روم

________________________________________

جهازك بيعمل رستارت

وهيقوم لحد ما هيوصل بيك لمرحله البحث عن الملفات اللي هيقوم بيها النظام

وهيديك الكلام ده ف اخر الشاشه تحت اللي هي بتبقى فيها مربعات بيانات جهازك


28330430.jpg


هنا بيقول لحضرتك

دوس اي زرار ف الكيبورد عشان يعمل البوت من السي دي روم

فبتدوس مسطرة او اي حاجه

بيتنقل بيك لصفحه سوداء بالكامل مفيهاش غير سطر واحد فوق



38607367.jpg


كده هو بيقرا النظام بتاعك بالكامل

______________________________________________

وهيبدأ ينقلك لمرحله تانيه

282p10229.jpg


من هنا حضرتك متفرج

بس للمعلوميه فقط

هو هنا بيعمل تحضير للملفات اللازمه لاتمام عمليه التسطيب لجهازك

بيقرا معلومات جهازك بالكامل


كل اللي انت هتعمله هتستنى وتسيبه متزعجوش

__________________________________________________ _

هيجبلك مرحله الموافقه ع ترخيص استخدام نسخه من ميكروسوفت

هتكون بالشكل ده

81135726.jpg


حضرتك هتدوس F8 بس

انت لسه نايم برضه
MSN%20%28111%29.gif




282p10230.jpg


اصحى ياعم انت نمت ولا ايه؟؟؟

يالا

هنا بيقولك لو عايز تسطب ويندوز دوس انتر

ده لو عايز يعني
MSN%20%28111%29.gif


هتدوس انتر

هيجبلك بعدها مرحله تانيه اللي هي لو هتعمل ريبير

هتلاقي ف الشريط اللي تحت اختيارات انك تعمل ريبير للنسخه الموجوده

فهنقوله لا ياعم احنا عايزين شغل جديد

سلمني نضيف اسلمك نضيف

هتدوس Esc

مع ملاحظه حاجه

ان لو الهارد جديد

او الهارد مكنش عليه ويندوز قبل كده او قبل المرة اللي انت بتسطب فيها دي

مش هيجبلك الخطوة دي

الخطوة دي هتظهر مع الهارد المستعمل مسبقا وكان عليه نسخه ويندوز

وركزوا قوي ف الجزئيه دي


______________________________________________

دلوقتي دسنا اف 8 وقلناله لا هنسطب جديد ودسنا انتر

هينقلنا لمرحله اختيار البرتشن المستخدم للتسطيب

282p10232.jpg


هي هتكون زي الصورة كده

مع اختلاف طبعا تقسيمه البرتشنات الخاصه بيك

فانت ف الغالب هتختار الدريف C اذا كان هو ده مكان الويندوز القديم عندك

وتدوس انتر


هينقلك لمرحله الفورمات

282p10233.jpg


ف المرحله دي هو بيعمل اعاده تهيئة للدريف عشان يستقبل الويندوز الجديد

بيفرمطه وينضفه ويرتب ملفات السيستم الخاصه بجهازك

الافضل اللي انا بفضله بصراحه هو الفورمات Fat عادي بدون كويد

لانه بيعيد ترتيب سيستم الدريف

وبيعالج معالجه كويسه الى حد ما لو الدريف فيه بادات او اي مشاكل

انما لو انت عارف ان هاردك مليان بادات

فتوكل على الله وخليك ف الفات كويك

بس توقع ف اي وقت النسخه هتقع منك
MSN%20%28111%29.gif


________________________________________________

هيبدا دلوقتي مرحله الفورمات بالشكل ده

وحضرتك هتتفرج

99752528.jpg



ثم هيعمل تشيك سريع للدريف

ويبدأ ينسخ الملفات اللازمه من السي دي على الدريف لبدء عمليه السيتب

وبرضه هتتفرج



11416724.jpg


هيخلص نسخ الملفات ويروح رايح لمرحله الاستعداد للرستارت

13313826.jpg


كل ده وانت بتتفرج برضه

بس هنا ممكن لو ايدك بتاكلك ع الكيبورد

دوس مسطرة هيرستر بسرعه
26-73.gif


_____________________________________ ____________________________

كده عملنا اول مرحلتين

الاولى

خلينا السي دي روم هو الفيرست بوت

التانيه

حضرنا الدريف للسيتب ونسخنا ملفات السيتب الاساسيه

__________________________________________________

دلوقتي الجهاز بيعمل رستارت
26-73.gif


هتسيبه بقا مش هتدوس على حاجه




13873974.jpg


هيخلص ويفتح معاك بالشكل ده


87785677.jpg


برضه تتفرج وممكن تعمل واحد شاي وتيجي


_________________________________


فجاة هيروح مديك الرساله دي


88010849.jpg


هتدوس حضرتك Customize


هيفتحلك فوقيه الويندو دي


77bfw9.jpg


فيها من فوق 3 اختيارات


اول حاجه هتعملها هتروح لــ@-@@-@@-@-@


هتعلم على اول اختيار زي ماهو موجود ف الشكل قدامك


لو متعلم خير وبكره


مش متعلم هتعلم عليها هيفتحلك ويندو صغيره هتدوس اوك


وتدوس ف نفس الويندو دي


ع regional option


هيجيلك بالشكل ده


58904102.jpg


هتخلي الحاجات اللي عليها السهم زي ماهي كده


وتدوس اوك


هياخدله وقت بسيط ويرجعك لنفس الويندو الاولى اللي هي دي



88010849.jpg


هتدوس نكست


هينقلك للخطوة التاليه


62661756.jpg


هتكتب اي نيم

واي اورجنيزيشن


وتدوس نكست هيوديك لمرحله السيريال نمبر


35680020.jpg


هتكتب السيريال نمبر بتاع النسخه


وتدوس نكست


مع ملاحظه ان اي خطأ ف السيريال نمبر مش هينقلك للمرحله التاليه


______________________________


الخطوة اللي بعدها


اعدادات التوقيت


56421887.jpg


هتظبط الTime zone


+2 Cairo


وتدوس نكست


هيحمل معاك ويكمل عادي


وفيه بعض النسخ بيطلب منك تكتب السم الجهاز بتاعك مرة تانيه بعد مرحله السيريال


بتختلف من نسخه لاخري


بس مفيش منها اي مشكله هتكتب الاسم بتاع الجهاز بتاعك


ولاحظ ان الاسم ده


هو اللي جهازك هيظهر بيه على شبكه النتوورك مع الاخرين


__________________________________________________ ___________


هيرجع الجهاز يكمل باقي الخطوات وهتتفرج انت برضه


________________________________________


ف بعض الاوقات هيديك اعدادت الشبكه بتاعتك ده في حاله ان كارت النتوورك الخاص بيك اتعرف لوحده


20323901.jpg


هتبقى رساله بالشكل ده


دوس نكست وكمل عادي


كل ده تقدر تعدله من داخل النسخه لو جهازك بيحتاج اعدادات مختلفه


____________________________________________


67999725.jpg


هو كده قرب يفنش السيتب بتاع النسخه


______________________________


انت كده مش هتعمل حاجه ابدا


هو هيخلص ويعمل رستارت مع نفسه برضه


_____________________________________________




13873974.jpg



عمل الرستارت


لو مفيش حاجه اتعرفت لوحدها هيديك رساله


هتدوس اوك


هتتكرر


هتدوس اوك تاني


هيفتح معاك كده




24646493.jpg


هتدوس هنا Skip


هينقلك لخطوة تانيه






هتعلم فوق على No


وتدوس نكست




69639962.jpg


Not right now


وتدوس نكست






هنا هتكتب ف خانه واحده بس



الاولى فقط

هتكتب اسمك او اي اسم


شرط انه يكون مش زي الاسم اللي كتبته ف مرحله التسطيب


وهتدوس نكست


_______________________________________



Welcome





مبروك عليك الويندوز


هتبدأ حضرت تعرف تعريفات البورده بتاعتك


من السي دي المرفق مع الجهاز


_______________________________________


وعشان تظهر ايقونات ماي كمبيوتر والانترنت والحاجات دي


كليك يمين ف اي مكان ف الدسكتوب


وتختار اخر اختيار


بروبرتس



هيظهرلك الويندو دي




هتختار من فوق


دسكتوب


وبعدين تدوس ع اللي ف المربع الاحمر


هيديك ويندو بالشكل ده





هتحط علامه صح ع كل الحاجات اللي عايزها تظهر ع الدسكتوب عندك


وتدوس اوك ف الويندو الاولى


والتانيه




وبكده نكون خلصنا مع بعض كل خطوات شرح التسطيب


واي اسئله انا حاضر


💕
تحياتي للجميع
 

Sp!der MaN

عضو جديد
23 أغسطس 2009
26
0
0
شرح ولا اروع

تسلم الايادى ياكبير
 

طريق الهدايه

عضو جديد
15 يوليو 2010
7
0
0
شرح راااااااااااااااااائع بل ممتاااااااااااااز

مشكوووووووووووور